غزل: میں نے مانا کہ اوروں سے جدا ہوں

 

میں نے مانا کہ اوروں سے جدا ہوں

تو انگلی نہ اٹھا جو ہوں بجا ہوں
****

مرا ہے کون جس سے میں بھی روٹھوں

میں خود سے کچھ دنوں سے خود خفا ہوں
****

تو بھی آ نوچ مجھ کو اے محبت

میں دنیا سے ذرا سا جو بچا ہوں
****

جسے کوئی نہیں سنتا اے دوست

کسی درویش کی میں وہ صدا ہوں
****

میں مشتِ خاک ہوں، وہ بھی نہیں ہوں

جو ہوں تو پھر میں تاروں کی ضیا ہوں
****

اگر یہ جسم ہی سب کچھ ہے تو پھر

کیا ہے روح؟ اکثر سوچتا ہوں
****

نیا کچھ تو ہو چاہے موت ہی ہو

میں اس معمول سے اکتا گیا ہوں
****

نہیں مجھ میں میں پھر ہے کون مجھ میں

نہیں ہوں میں، اگر ہوں تو کیا ہوں
****

میں خالد میں نہیں ہوں تُو ہی تُو ہے

جو دیکھوں خود میں تجھ کو دیکھتا ہوں
****

(ابنِ خالد)

#Ibn_e_Khalid_Poetry #Adbi_Safar #Urdu_Adab #Urdu_Ghazal #Urdu_Poetry