غزل: تجھے روبرو جو پائیں تہوارِ عید پہ

 

تجھے روبرو جو پائیں تہوارِ عید پہ

سچی خوشی سے مر جائیں تہوارِ عید پہ

****

حسیں لب جو بولیں” عید مبارک“

خوشی کے گیت گائیں تہوارِ عید پہ

****

آ گلے ملو صنم تم جو اچانک

ہم پھولے نہ سمائیں تہوارِ عید پہ

****

کتنا اچھا ہو کہ ہم دونوں ہی

سب پرانی تلخیاں بھلائیں تہوارِ عید پہ

****

کیا خبر اگلے برس ہم ہوں نہ ہوں

مری جاں دوریاں مٹائیں تہوارِ عید پہ

****

ہیں نفرتوں کے اندھیرے کاشف غفاری

آؤ شمع محبت جلائیں تہوارِ عید پہ

****

(کاشف غفاری)

#Kashif_Ghafari_Poetry #Adbi_Safar #Urdu_Adab #Urdu_Ghazal #Eid_Poetry

غزل: عید کے روز تو ملودو

عید کے روز تو ملو

دو قدم ساتھ تو چلو

****

ہوئی مدت بے دید ہیں

دید اب تو نصیب ہو

****

اب تلک خامشی کیوں

رات بھی اب ڈھلی سنو

****

دیکھئیے آنکھ میں مری

عشق ہم سے نہیں کہو

****

ضد یہ اب ہے جواز کی

بے رخی ، یا ہمیں چنو

****

( بلال عزیز جواز )

پنجابی قطعہ: خود ذات وسّے اِس ذات اندر ہے اوہ کون جو آن وکھاوے

 

خود ذات وسّے اِس ذات اندر ہے اوہ کون جو آن وکھاوے

بندہ بھلدا بھلدا بھل جاندا ایہہ راز اندر ہی ای دب جاوے

جیہڑے پے گئے پردے دل اُتے ہے کون جو آن ہٹاوے

خالد جھلیا بن مرشد کوئی راہ نہ کدی وی ہتھ آوے

(ابنِ خالد)

غزل: دجلہ کے کنارے ہے مرے خواب کا دھارا

 

دجلہ کے کنارے ہے مرے خواب کا دھارا

یہ ریت کے ساحل سے ہمیں کس نے پکارا
****

صحراؤں میں گم ہوگئے سب خواب سہانے

گردش میں ابھی تک ہے مقدر کا ستارہ
****

آنکھوں کے سمندر میں کوئی ڈوب نہ جائے

ساحل سے ابھی کرتے ہیں کچھ لوگ نظارہ
****

تنہائی، غمِ زیست کریں اسکے حوالے

قابو میں کبھی آئے اگر وقت کا دھارا
****

کیا چیز عطا کی ہے خدا نے کہ وطن کو

ہر کوئی اسے لوٹ کے آتا ہے دوبارا
****

(اکرام الحق)

#Ikram_ul_Haq_Poetry #Adbi_Safar #Urdu_Adab #Urdu_Ghazal #Urdu_Poetry

غزل: دل کی حسرت پہ خاک ڈالی گئی

 

دل کی حسرت پہ خاک ڈالی گئی

سانس نکلی نہیں۔۔۔۔۔۔۔۔نکالی گئی
****

مینہ نہ آتا تو مر گئے ہوتے

اس کے آنے سے خشک سالی گئی
****

ہم نے دل مفت میں دیا تم کو

تم سے جاگیر کب سنبھالی گئی
****

گھر پہ مہمان آرہے ہیں کل

وصل کی بات یوں بھی ٹالی گئی
****

تیرے تیور بتا رہے تھے مجھے

بات دل سے نہیں نکالی گئی
****

تیرے خط بھی جلا دیئے فیضی

تیری تصویر بھی چھپا لی گئی
****

(اویس فیضی)

#Awais_Faizi_Poetry #Adbi_Safar #Urdu_Adab #Urdu_Ghazal #Urdu_Poetry

شعر: میں اپنے ٹوٹے ہوئے دل کو ہاتھ پر لے کر

میں اپنے ٹوٹے ہوئے دل کو ہاتھ پر لے کر

ہزار زخم محبت سجائے بیٹھا ہوں

(حیدر زینبی)

#Haider_Zainabi_Poetry #Adbi_Safar #Urdu_Adab #Urdu_Poetry #2_Line_Poetry #Sad_Poetry

غزل: سرِ محفل تجھے سپنوں کی رانی میں نہیں کہتا

 

سرِ محفل تجھے سپنوں کی رانی میں نہیں کہتا

جو آنکھوں سے بتاتا ہوں زبانی میں نہیں کہتا
****

نہ ہو جس آنکھ کو پہچان کچھ اپنے پرائے کی

اُسے پاگل سمجھتا ہوں , سیانی میں نہیں کہتا
****

یہاں مطلب کی خاطر ہی محبت لوگ کرتے ہیں

حقیقت ہے کوئی جھوٹی کہانی میں نہیں کہتا
****

مِری مطلب پرستوں سے بِگڑ جاتی ہے تب اکثر

کسی کم ظرف کو جب خاندانی میں نہیں کہتا
****

مِلو جب بھی تو ملتے ہی ذرا سا مسکرا دینا

مجھے دو اپنے دل پر حکمرانی میں نہیں کہتا
****

نجانے عشق ہو جائے اُسے میری غزل پڑھ کر

ابھی تک تو اُسے اپنی دِوانی میں نہیں کہتا
****

چھپا کے تیر پھولوں میں تمہارا پھینکنا مجھ پر

اِسے ذُلفی محبت کی نشانی میں نہیں کہتا
****

(ذوالفقار علی ذُلفی)

#Zulfiqar_Ali_Zulfi_Poetry #Adbi_Safar #Urdu_Adab #Urdu_Ghazal #Urdu_Poetry

غزل: اپنے سائے سے ڈر گئی ہوں میں

 

اپنے سائے سے ڈر گئی ہوں میں

اس لیے آج مر گئی ہوں میں
****

چھل گئے پاؤں میرے چل چل کر

تو سمجھتا ہے گھر گئی ہوں میں
****

تیری خاطر زمانے والوں سے

جنگ کر کر کے ہر گئی ہوں میں
****

مجھ کو معلوم ہی نہیں اے دوست ！

کس جہاں میں ٹھہر گئی ہوں میں
****

خود میں خود کی نفی نہیں ہوتی

یہ بتا کر گزر گئی ہوں میں
****

شوق جی ؛ دیکھئے تمہارے لیے

چشم تر سے اتر گئی ہوں میں
****

(مدیحہ شوق)

#Madiha_Shauq_Poetry #Adbi_Safar #Urdu_Adab #Urdu_Ghazal #Urdu_Poetry

غزل: ذیست میری حرام ہے لیکن

 

ذیست میری حرام ہے لیکن

خودکشی بھی حرام ٹھہری ہے
****

مالکِ کن، یہ ماجرا کیا ہے؟

ایک روٹی حرام ٹھہری ہے
****

زیست کے چاک پیرہن میں اب

دست کاری حرام ٹھہری ہے
****

جو شجر ہیں خلوص کے ان کی

آبیاری حرام ٹھہری ہے
****

ہو کہیں ذکرِ مفلسی جس میں

وہ کہانی حرام ٹھہری ہے
****

تمکنت سے بھرا زمانہ ہے

انکساری حرام ٹھہری ہے
****

(ظہور عالم)

#Zahoor_Alam_Poetry #Adbi_Safar #Urdu_Adab #Urdu_Ghazal #Urdu_Poetry

پنجابی غزل: تک لَے یار وچھوڑیاں دے ماریاں نوں

 

تک لَے یار وچھوڑیاں دے ماریاں نوں

تیرے لٸی اپنا سب کُجھ ہاریاں نوں

_______

ٹُٹیاں آساں کَینہہ جینا بِن تیرے

تیرے باہجوں ہر پاسے نیں ہنیرے

کِنّہے گل لانا دُکھی ونجاریاں نوں

تک لے یار وچھوڑیاں دے ماریاں نوں

____________

تُوں نظر نہ آویں تے میرا دل ڈُبدا

ہنجواں دا پانی اکھیاں چوں نہیں سُکدا

اگ وچ پاواں محل مناریاں نوں

تک لے یار وچھوڑیاں دے ماریاں نوں

_________

ہُن تے آ جا جان بدن وچوں جاوے

تیرے باہجوں روندی کون چپ کراوے

واسطہ ای بند کر دے ہن لاریاں نوں

تک لے یار وچھوڑیاں دے ماریاں نوں

_______

(راحیل احمد جہانگیر)

شعر: پوچھا تھا اک فقیر سے مفہوم عشق کا

 

پوچھا تھا اک فقیر سے مفہوم عشق کا

خونِ جگر نکال کے رکھا جواب میں

(محسن کشمیری)

#Mohsin_Kashmiri_Poetry #Adbi_Safar #Urdu_Adab #Urdu_Poetry #2_Line_Poetry #Ishq_Poetry #Faqeer_Poetry

شعر: صبح لکھی شام لکھی جا چکی

 

صبح لکھی شام لکھی جا چکی

میں تو اُس کےنام لکھی جا چکی

(صدف رباب)

#Sadaf_Rubab_Poetry #Adbi_Safar #Urdu_Adab #Urdu_Poetry #2_Line_Poetry #Shaam_Poetry #Love_Poetry

نظم: (چھٹی حس) رنگینء_ خیال پہ کروں جو انہماک میں

 

(چھٹی حس)
********
رنگینء_ خیال پہ کروں جو انہماک میں

تو طربیہ وجود پہ

یہ گھن زدہ نفاستوں لطافتوں

پہ دفعتا

ندامتیں جھپٹ پڑیں

رنگینء_ حیات کا

خمیر جگمگا اٹھے

ضمیر جگمگا اٹھے

ضمیر ہی کی آخری

تہوں سے اک لطیف سی

لکیر روشنی کی پھر

مرے سبھی حواس پر

یہ کپکپی سی ڈال کر

کہے کہ احتیاط سے

نگہ میں پل صراط رکھ
***************

(احمد مطلوب درپن)

#Ahmad_Matloob_Darpan #Adbi_Safar #Urdu_Adab #Urdu_Nazam

#Urdu_Poetry #Fikri_Shayri

غزل: ہر کوئی ہے شہر میں حالات کا مارا ہوا

 

ہر کوئی ہے شہر میں حالات کا مارا ہوا

میں اکیلے ہی نہیں وحشت زدہ ٹوٹا ہوا
****

اے مسیحا چھوڑ دے اب حال پر اپنے مجھے

زخمِ دل چارہ گر ی سے اور بھی گہرا ہوا
****

آگ گلشن میں لگائی سرکشوں نے ہی مگر

سر کسی معصوم کا ہے دار پر لٹکا ہوا
****

موت کی دہلیز کے آگے کھڑی ہے زندگی

میں ابھی ہوں مال و زر کی حرص میں الجھا ہوا
****

برق سے پہلے کسی نے سازشیں کی اس قدر

راکھ کی صورت نشیمن ہے مرا،بکھرا ہوا
****

میں نہیں فرہاد ہوں مجنوں کوئی اس دشت کا

بخت کا تارا انہی سے ہو بہ ہو ملتا ہوا
****

لاکھ تدبیریں کی عارف کچھ نہیں بدلا مگر

جو مقدر میں خدا نے تھا مرے لکھا ہوا
****

(جاوید عارف)

#Javaid_Arif_Poetry #Adbi_Safar #Urdu_Adab #Urdu_Ghazal #Urdu_Poetry #Sad_Poetry

غزل: میں نے مانا کہ اوروں سے جدا ہوں

 

میں نے مانا کہ اوروں سے جدا ہوں

تو انگلی نہ اٹھا جو ہوں بجا ہوں
****

مرا ہے کون جس سے میں بھی روٹھوں

میں خود سے کچھ دنوں سے خود خفا ہوں
****

تو بھی آ نوچ مجھ کو اے محبت

میں دنیا سے ذرا سا جو بچا ہوں
****

جسے کوئی نہیں سنتا اے دوست

کسی درویش کی میں وہ صدا ہوں
****

میں مشتِ خاک ہوں، وہ بھی نہیں ہوں

جو ہوں تو پھر میں تاروں کی ضیا ہوں
****

اگر یہ جسم ہی سب کچھ ہے تو پھر

کیا ہے روح؟ اکثر سوچتا ہوں
****

نیا کچھ تو ہو چاہے موت ہی ہو

میں اس معمول سے اکتا گیا ہوں
****

نہیں مجھ میں میں پھر ہے کون مجھ میں

نہیں ہوں میں، اگر ہوں تو کیا ہوں
****

میں خالد میں نہیں ہوں تُو ہی تُو ہے

جو دیکھوں خود میں تجھ کو دیکھتا ہوں
****

(ابنِ خالد)

#Ibn_e_Khalid_Poetry #Adbi_Safar #Urdu_Adab #Urdu_Ghazal #Urdu_Poetry